Áfram Ég!

Sex lyklar að velgengni

SKRÁ MIG

Verð

79.000 kr. á þátttakanda.

Flest stéttarfélög niðurgreiða námskeiðið. Styrkur getur numið allt að 90%, þó misjafnt eftir stéttarfélögum.

Lengd námskeiðs

Námskeiðið er 12 klst. (4x3 klst.)

Næstu námskeið

Áfram Ég! Byrjar 21. Apríl.

Fjögur skipti: 21. apríl. / 28.apríl. / 5. maí. / 12. maí.

Kl. 16:00-19:00.

Leiðbeinandi

Ragnar Matthíasson mannauðsráðgjafi - MBA og MSc. í mannauðsstjórnun.

Ragnar hefur víðtæka reynslu af námskeiðahaldi og ráðgjöf. Hann hefur unnið fyrir fjölda fyrirtækja af ýmsum stærðum og gerðum.

Frekari upplýsingar í síma 8983851

Netfang:

Hafðu samband

Ummæli þátttakenda

"Heilt yfir frábært námskeið sem ýtti við mér og hjálpaði mér að ná markmiðum mínum hratt og vel."
"Gott og fræðandi námskeið, ótrúlega skemmtilegt og ég er mjög ánægð með að hafa ákveðið að skella mér."
"Takk fyrir mig, þetta er mjög gott og gagnlegt námskeið."

Námsmarkmið

Námskeiðið miðar að því að gera þátttakendur hæfari í að koma sér á framfæri og greina stöðu sína sem einstaklinga og gera þeim kleift að tileinka sér ákveðna hugsun, hegðun og leiðir til að efla sig sem persónur. Áfram Ég!

Námskeiðslýsing

Á námskeiðinu er lögð áhersla á að styrkja þátttakendur í sex lykilskrefum á leið þeirra til aukinnar velgengni í lífinu:

1. Samskipti.

Í samskiptum er sjálfsmeðvitund mikilvæg, að gefa sér tíma, hlusta, hrósa og gagnrýna á uppbyggilegan hátt og semja þannig að allir gangi sáttir frá borði.

Unnið með: Samskiptaform, samningatækni, áhrif og mikilvægi hegðunar í samskiptum.

2. Markmiðasetning.

Til að ná árangri þarf að skipuleggja sig og setja sér markmið. Hvernig geri ég betur?

Unnið með: DUMB aðferðafræðina, 80/20% regluna, tímastjórnun, aga og vilja. Leiðin út

úr fullkomnunaráráttunni.

3. Sjálfsefling.

Ferðalag með fyrirheit þar sem vilji og agi kallast á og skila þér á áfangastað.

Unnið með: Styrkleika, sjálfstraust, áskoranir og þroskaferli.

4. Fjármál.

Þarf ég að vera fátækur ef ég verð ekki ríkur?

Unnið með: Viðhorf til peninga, yfirsýn, skipulag, markmið.

5. Heilsa.

Góð andleg og líkamleg heilsa er grunnurinn að því að geta gert það sem ég vil í lífinu.

Unnið með: Mataræði, hreyfingu, hugarfar og hamingju.

6. Framkoma.

Góð og örugg framkoma lætur mér líða betur í eigin skinni, styrkir mig sem einstakling og hvetur fólk til liðs við mig.

Unnið með: Grunnatriði í framkomu og að öðlast kjark til að tjá mig fyrir framan fólk.

Kennsluform: Fyrirlestur, umræður, verkefni, dæmisögur og myndskeið. Á þessu námskeiði er gert ráð fyrir að þátttakendur vinni verkefni milli skipta auk lokaverkefnis.

Ávinningur

Markmið með námskeiðinu er að efla, þroska og bæta árangur einstaklingsins í lífi og starfi.

Kenndar eru ákveðnar aðferðir sem hjálpa þátttakendum að finna og nýta styrkleika sína.