JAFNLAUNAVOTTUN

Jafnlaunavottun felur í sér faglega úttekt innan fyrirtækja og stofnana á launum starfsfólks, starfaflokkun og öðrum þáttum sem hafa áhrif á kjör karla og kvenna. Markmið staðalsins er að auðvelda atvinnurekendum að koma á og viðhalda launajafnrétti kynja á vinnustað.  Staðallinn nýtist öllum fyrirtækjum og stofnunum, óháð stærð, starfsemi, hlutverki og kynjahlutfalli. Hann tryggir fagleg vinnubrögð sem fyrirbyggja beina og óbeina mismunun vegna kyns, sjá nánar hér.

Ráðgjöfin felst í því að stýra vinnu fyrir viðkomandi fyrirtæki við innleiðingu á jafnlaunastaðlinum samkvæmt verklagsreglum vottunaraðila.

​

Helstu verkefni eru:

​

• Gagnasöfnun

• Flokkun starfa samkvæmt ÍSTARF95

• Þrepaskipting starfa

• Hæfniviðmið útbúin  

• Starfslýsingar yfirfarnar eða útbúnar

• Verklagsreglur útbúnar

• Aðstoð við launagreiningu

• Annað sem vottunaraðilinn fer fram á

​

Það fer eftir stærð fyrirtækis hvenær það þarf að vera búið með jafnlaunavottun, sbr. lög um jafnlaunavottun. Tímamörkin eru eftirfarandi:
a)   31. desember 2019 fyrirtæki þar sem starfa 250 starfsmenn eða fleiri á ársgrundvelli
b)   31. desember 2020 fyrirtæki þar sem starfa 150-249 starfsmenn á ársgrundvelli
c)   31. desember 2021 fyrirtæki þar sem starfa 90-149 starfsmenn á ársgrundvelli
d)   31. desember 2022 fyrirtæki þar sem starfa 25-89 starfsmenn á ársgrundvelli

Nánari upplýsingar um fyrirkomulag ráðgjafar eða sérstakar óskir um tilhögun fást í síma 8983851.